बैंक, वित्तीय, सहकारी तथा ब्यवसायीक क्षेत्रमा बिगत लामो समय देखि अनुभव प्राप्त प्रतिष्ठित व्यक्तिहरुको सहकार्यमा लुम्बिनी प्रदेश भित्रका बैंकिङ्ग पहुँच बिहिन सदस्यहरुको आर्थिक, सामाजिक तथा साँस्कृतिक विकास गर्ने उद्देश्यका साथ एउटा सबल, सक्षम र प्रविधियुक्त ससक्त बहुउद्देश्यीय सहकारी संस्था गठन गरि आर्थिक रुपमा पारदर्शिताकासाथ सञ्चालनमा ल्याउने उद्देश्यले सस सहकारी संस्थाको उदय भएको हो ।

यस संस्थाले बिपन्न वर्ग तथा बैंकिङ्ग पहुँचमा नपुगेका सदस्यहरुलाई लघुवित्त कार्यक्रम अन्तर्गत संगठित गर्दै आधुनिक प्रबिधियुक्त र दक्ष जनशक्तिहरुको उपयोग गरि आर्थिक तथा सामाजिक बिकास गर्दै जानेछ ।

बिभिन्न समुदायमा रहेका सदस्यहरुको आर्थिक रुचि, चाहना, भावना तथा आवस्यक्ता पुरा गरि आर्थिक रुपमा सवल र सक्षम समाजको निर्माण गरि सदस्यहरुलाई गुणस्तरिय सेवा प्रदान गर्दौ जाने लक्ष्य रहेको छ ।

यस संस्थाले प्रादेशिक संरचना बमोजिम लुम्बिनी प्रदेशका ६ जिल्लाहरुलाई कार्यक्षेत्र निर्धारण गरि सो जिल्लाहरुमा सदस्य सेवा केन्द्र विस्तार गरि अति, निम्न र मध्यम वर्गका महिला तथा पुरुषहरुलाई समान सहभागिताको अवधारणालाई बिकास गरि निजहरुको आर्थिक बिकास तथा सेवा मुलक व्यवसाय सञ्चालन गर्न, दक्ष जनशक्ति निर्माण गर्न तथा स्व–व्यवसाय सञ्चालनमा आर्थिक सहयोग प्रदान गर्ने साझेदारको रुपमा अगाडी बढि रहनेछ ।